Lè nou wè mo sa petèt nou panse ak dròg ak alkòl sèlman, men adiksyon malerezman pa rete sèlman sou de sibstans sa yo. Adiksyon an nou ka definil tankou yon aksyon abityèl yon moun konn fè, yon sibstans li konn pran oubyen yon aktivite ke moun sa pa panse, e ke bagay sa ka fini a ba li pwoblèm pi devan, li ka pwoblèm sante, pwoblèm ak sosyete a, pwoblèm finansye oubyen pwoblem mantal.
Map komanse ti pale sa avèk grenn kestyon sa pou medam yo. Konbyen fwa ou konprann ke gason yo pa konprann santiman w’ vrèman ?
Diferans ant fanm e gason fè anpil moun panse jiska yo ekri sou sa, san panse a difèrans nan fisik, biolojik, eske gen difèrans sikolojik la,oubyen difèrans nan sèvò a?
Bullying se yon mo anglè ke yo itilize pou yo ka dekri yon konpòteman de move je, ladan ou wè vye tapaj, pran plezi sou yon lòt, vye pawòl ki blesan, ignore yon mounn, atak fisik e psikolojik, abi, entimidasyon. Zak sa yo ka poze pa yon moun oubyen yon gwoup sou yon moun ki parèt fèb.
Leonore Walker eksplike nou sik vyolans lan yon fason, daprè li posesis maltrete moun nan gen yon jan li evolye.
Li di premye faz yo se sa yo:
Faz akimilasyon e ogmantasyon tansyon: Kòmansman faz sa vreman itil e lap ogmante dezantan. agresè a komanse bay kèk konpòtman vyolan, li di vye pawol ki ka blese moun nan, li mete kèk kontwol sou rantre e soti moun nan. More
Chak ane ki kòmanse se souvan pi bon moman pou anpil moun chanje yon lòt paj nan vi yo. Sa lakoz anpil moun pran rezolisyon pou nouvo ane a. Men poukisa yon pakèt moun pa rive kenbe objektif sa yo ?
Nan yon atik syantifik, Ray Williams montre chèchè yo egzamine pousantaj reyisit rezolisyon moun yo konsa: de (2) premye semèn yo sa ap mache byen men nan fevriye moun yo tounen dèyè. Epi lòt desanm, pi fò nan moun sa yo tounen kote yo te tanmen an, pafwa pi dèyè ke kote yo te kòmanse a. Poukisa anpil moun pa rive kenbe rezolisyon sa yo?
Èske se fèblès osinon parès ki kouvri yo?
Pi devan li di: Daprè chèchè John Norcross ak kòlèg li yo ki te pibliye rezilta yo nan Journal of clinical psychology, anviwon 50% nan popilasyon an pran rezolisyon chak kòmansman ane. Pami sak pi bon yo se : pèdi pwa, egzèsis fizik, sispann fimen tabak, pi byen jere lajan yo, epi diminye sou dèt yo.
Timothy Pychyl, pwofesè sikoloji nan inivèsite Carleton nan Kanada ak yon lòt blogè PT deklare: rezolisyon yo se yon fòm pwokrastinasyon kiltirèl, yon efò pou nou reyenvante nou. Moun yo pran rezolisyon pou yo motive tèt yo. Pychyl fè konprann : moun yo pa prè pou kite abitid yo, sitou move abitid yo, sa ki esplike pousantaj echèk la wo konsa. Selon Doktè Avya Sharma ki soti nan rezo kanadyen sou obezite, moun yo fikse objektif ak atant ki ireyalis nan rezolisyon yo.
Pwofesè Sikoloji Peter Herman ak kolèg li yo montre sa yo rele « syndrome des faux espoirs » (sendrom fo espwa), ki se rezolisyon yon moun pran ki twò ireyalis epi ki pa mache ak fason li wè pwòp tèt li.
Prensip sa tradwi prensip afimasyon pozitif la. Lè ou fè afimasyon pozitif sou tèt ou epi ou pa twò kwè nan li, yo pap fonksyone epi yo ka bese estim ou.Lòt kote rezolisyon echwe yo chita nan yon relasyon koz ak konsekans. Ou ka panse si ou pèdi pwa ,oswa diminye nan dèt ou yo, oubyen fè plis egzèsis fizik, tout vi w ap chanje, lè sa pa rive ou riske dekouraje epi retounen nan ansyen abitid ou yo.
Pou rezolisyon yo rive fonksyone sa enplike pou nou chanje konpòtman e pou nou chanje yon konpòtman nou dwe chanje fason nou panse(oubyen rebranche sevò nou). Kèk syantifik ki travay sou sèvo tankou Antonio Damasio , Joseph Le Doux ak sikoterapet Stephen Hayes te dekouvri gras ak IRM ,Chema panse yo kreye konpòtman abityèl la, yo kreye pasaj ak souvni newonal yo ki vin bay pilye konpòtman nou. Yo nan mitan chwa ak desizyon nou yo.Eseye chanje panse sa a ak “ pa eseye fè li” ap jis ranfòse li. Chanjman an mande pou nou kreye nouvo pasaj newonal ki soti nan yon nouvo panse.
Pandan li ap ekri nan rezo blog Havard business review, Peter Bregman afime : lè ou fikse objektif yo, yo aprann ou rann yo espesifik, mezirab epi yo limite pou kèk tan. Men ta sanble karakteristisk sa yo se yo menm menm ki rezon ki fè objektif yo ka tounen kont moun ki pran rezolisyon yo. Yon objektif espesifik, mezirab epi limite pou kèk tan ka bay yon atitid trè fèmen ki ap debouche sou kopye oswa myopi (lespri fèmen). Wi, nou konn atenn bi a men konbyen sa koute nou? Bregman ankouraje nou pou nou kreye yon domèn enterè ki soti nan motivasyon pèsonèl nou, ki pa bay okenn estimili oubyen fòse n kopye oswa pran risk ki pa itil, okontrè kite tout posibilite pozitif ak gran opòtinite vini epi ankouraje tèt ansanm pandan n ap diminye konpetisyon nan lide pou nwi. Tout sa an menm tan n ap vanse sou bagay nou menm ak òganizasyon nou yo pi apresye yo.
Men kèk konsèy Ray Williams pote pou nou, ki kapab ede nou kenbe rezolisyon nou te pran pou nouvo ane a :
1- Pito ou konsantre ou sou yon sèl rezolisyon epi vize objektif dirèk epi ki plis reyalizab. Pèdi pwa pa yon objektif dirèk. Pèdi 10 kilogram nan 90 jou se yon objektif dirèk.
2- Pa tann se nan fen ane pou pran rezolisyon. Fè li tankou yon pwosesis pandan ane a, se yon angajman ou ap renouvle chak jou.
3- fè li etap pa etap. anpil moun bay vag paske yo te vize twò wo, objektif la te mande twòp efò ak fè twòp bagay (aksyon) an menm tan.
4- chache yon zanmi responsab , yon pwòch ou ap bay rapò sou tout efò ou fè yo.
5- Pa tann se lè ou fin atenn objektif ou pou ou fete sa. Fòk ou fyè de efò sa yo.
6- adopte kèk nouvo konpòtman, panse yon lòt jan,. Pou chanje abitid ou dwe kreye nouvo pasaj newonal alèz nan tèt ou.
7- Konsantre ou sou moman prezan an. Kisa ou ka fè jodi a,kounye a menm pou ou atenn objetif ou?
8- veye tout sa k ap pase anndan ou chak fwa yon evènman pase nan lavi ou, olye ou rete nan sa ki te rive osinon sa ki ka rive.
Boutofen, pa pran lavi a twò oserye . Amize ou, ri tèt ou lè ou pran echèk , men pa kite sa anpeche ou rive kote ou vle a. Lavi a bèl, nou dwe pwofite. Men pa bliye nou tout gen yon kote nou vle rive.
Atik: Rhode Bermine Banatte, enspirasyon atik sa soti sou yon pòs psychologytoday
Tradiktè:Ledna ADRAS
Jodia nou pral pale de sikoloji aplike oubyen sikoloji profesyonèl la.
Kisa li ye? Sikoloji profesyonèl la li genyen pou li bay solisyon a pwoblèm nou e ede nou a bay bon randman de nou menm.
Pati ki pi koni de sikoloji profesyonèl la yo se:
Petèt nou toujou ap tande moun kap pale de sikoloji oubyen pwoblèm sikolojik. Nou ka plizoumwen di nou gen ide de li, ou pa. Men èske se yon bagay ki enpotan? Kisa li fè pou nou? Jodia an nou fè yon ti chita pou nou konprann byen kisa ki sikoloji a e kote li soti. More
Quisque vehicula molestie turpis dapibus sodales. Sed imperdiet sollicitudin nibh. Quisque fermentum, elit ut pulvinar aliquam, est eros tincidunt diam, ut vehicula eros velit nec massa. Vestibulum non nisi et quam scelerisque interdum in a quam. Phasellus mollis ornare libero sit amet rhoncus. Curabitur non tellus id massa laoreet mollis vitae id sapien. Maecenas euismod nec arcu ac pretium. Cras non vehicula augue. Nulla volutpat sem nisl. Proin euismod sapien ut dignissim mattis. Nulla orci augue, feugiat vitae risus vitae, venenatis vulputate turpis. Sed sed dui porta, varius odio id, pretium erat. Nam purus enim, cursus quis iaculis id, consectetur ut ante. Duis molestie pretium metus, nec dictum neque ultricies ac.
Fusce ante elit, iaculis id dapibus sit amet, pharetra a odio. Suspendisse potenti. Cras faucibus risus sit amet leo porta, id consequat lectus lobortis. Aenean sit amet eros vel ipsum convallis condimentum a non eros. Praesent consequat sapien eget erat feugiat, quis vehicula risus congue. Maecenas lobortis semper arcu, semper bibendum lorem mattis fermentum.
Pellentesque cursus, mauris at aliquet mattis, felis elit elementum tortor, fermentum blandit neque mauris non sem. Quisque pulvinar metus quis nulla consequat commodo. Aenean tristique ac magna nec consectetur. Aliquam nec porttitor mauris, ut p.
Haitian Creole
English
French
Spanish