Genyen ki di chans se pwobabilite ki genyen pou w jwenn yon bagay san fè pyès efò, se yon aza. Konsa tou genyen l֧òt ki di se lèw byen prepare w epi fè tout efò ki nesesè pou jwenn bon rezilta. An reyalite kisa chans lan ye?
Pi gwo diferans ki genyen ant yon moun ki gen chans ak yon moun ki pa gen chans, se kapasite pou detekte epi pwofite yon opòtinite sou nenpòt fòm li kapab prezante. Chans bay bèl dan ak sèlman moun ki odasye. Chans se yon pon ki nan mitan yon bèl opòtinite ak yon bon preparasyon. Chans se konpetans melanje ak travay.
Kisa w dwe fè pou w aktive bwat chans ou?
Ou dwe kreye opòtinite
Toujou fe efò pou w rankontre epi kolabore ak bon moun, nan bon moman ak bon kote. Fè de ou yon opòtinite pou antouraj ou.
Genyen yon objektif klè
Siw konn sa w vle tout bon, ou dwe fè tout sa ki posib pou reyalize l. Kwè nan tèt ou.
Sispann menm woutin yo
Toujou ap veye, prepare lespri w pou rekòmanse epi devlope nouvo abitid epi soti nan zòn konfò ou.
Konprann se pa tout lè sa dwe byen mache
Moun ki gen chans yo we limyè menm nan fè nwa, yo toujou pran kote pozitif yo nan move sitiyasyon yo.
Ou dwe toujou prepare w
Pa janm tann se lè domi nan je w pou w tann nat ou. Toujou gen projè w byen plase nan tèt ou an avans. Pa fè sans enpwovizasyon w twòp konfyans.
“ Pyès moun pa reyisi san chans. Plis ou travay, plis ou disipline, plis ou prepare se plis ou gen chans.
Doktè Jackson Lafontaine Josaphat
Yon lane fèk tanmen, yon deseni tou nèf. Ou ta renmen gen yon pi bèl…
An nou pale de bloke mantalman Daprè eksperyans mwen epi sa mwen tande nan moman…
Gen yon moman nan lavi chak moun gen yon kote yo gen pou deside kisa…